Хајлајц

Старион БлогСтарион Блог Овде пишував повеќе од осум месеци и има што да се чита. Ако ве интересира клик на линкот.

Линк

З`ш да не...З`ш да не... Нови колумни од серијалот „з`ш да не...“ секоја сабота во весникот Шпиц.

Линк

Моине фото сторииНа рапорт со Јофе Сите емисии на Youtube каналот.

Линк

Dec 31, 2009

0
Сега му е мајката... За на Токсикологија

I gotta feeling... That tonight's gonna be a good night, that tonight's gonna be a good night, that tonight's gonna be a good good night... Или што би рекол преводот, дечките од Black Eyed Peas чуствуваат дека ноќва ќе биде ептен добра.

А и не може да не биде добра ако сте вработени на Клиниката за токсикологија. На вработените таму секоја 31-во декемвриска ноќ им е ептен добра. Впрочем тие цела година работат и живеат за овој ден, односно ноќ, кога ќе имаат најмногу работа и најубаво ќе си поминат детоксирајќи нивни сограѓани и сограѓанки, претходно квалитетно налиени за уште поквалитетен старт на новата година.

Но, да одиме од почеток. А почетокот е некаде на средината од октомври, или септември, по принципот, што побрзо, тоа подобро. Почетокот налага собирање на друштвото на сериозен муабет на кој се одлучува што ќе се прави на најважната ноќ во годината – вечерта на 31-ви декември спроти 1-ви јануари. Се разгледуваат понудите, се одбира место, па се оди на местото кое сте го одбрале и се разгледува масата која сте ја одбрале... Доколку ви дале маса со една покуса ногарка која предизвикува нишање лево-десно кога ќе прилегнете на неа, веднаш се буните и ја пронаоѓате најубавата маса во целата кафеана, пишувате „зафатено“ со фломастер и големи букви и задоволно го чекате последниот ден од годината. И бидејќи ако останете дома или одите на плоштад за да ја пречекате новата година сте лузер број еден, гледајте да ја одберете најскапата понуда и кафеана во градот. А се што е под 3.000 денари е исто така лузерско. И бидејќи само еднаш е Нова година (и по уште еднаш секоја наредна година), не би ве личело да заминете на новогодишната прослава облечени во некое парче облека кое сте го носеле и претходно. Токму затоа минатиот четврток ви објаснивме како се кова и реализира шопинг стратегија. Понатака во текот на текстот ќе ви објасниме и зошто е од исклучителна важност да имате нови парчиња облека на себе.

http://images.spaces.covers.com/Upload/UserImages/john19.jpg

Но пред да дојдете до фамозната ноќ, не ги испуштајте ни возбудливите моменти од претходните денови. Бидејќи периодот пред Нова година е единствениот во кој имате што муабет да си направите кога случајно на улица ќе се видите со познаник кого не сте го виделе долго време и немате поим што прави во животот, а и не ви е ни важно. Единствено во тој период, можете наместо за моменталната температура и состојбата со временските услови, да зборувате на тема - каде за Нова година? Откако ќе сфатите дека тој одбрал многу поповолна понуда со поубава „певаљка“ и подобар избор на турбо фолк си викате „е добро, ум за друг пат“ и тргнувате да се припремате за т.н. најлуда ноќ. Припремите мора да вклучуваат квалитетен избор на плеј листи со најновото (Ѕвезде Гранда) но и нешто од постарото (Јужни Ветар) од турбо фолк музиката за слушање по дома и повторување на материјалот.

Она што е од исклучителна важност на новогодишната вечер покрај местото, друштвото и изборот на музика е и облеката. Облеката е можеби и најважниот дел од целата новогодишна прослава бидејќи кога сите ќе се испијанат и освен чашките со алкохол нема да гледаат ништо друго пред себе ќе биде доста значајно дали носите долг фустан со кој им помагате на работниците од Комуналец во чистењето на градот или пижамите со кои спиете.

Исто толку значачаен е и изборот на алкохол со кој ќе ја дочекате Новата година. Доколку сте обезбедиле аранжман кој вклучува неограничено пиење, осигурајте се дека сте ги пробале сите можни видови алкохол кои постојат во локалот. А бидејќи по некое време нема да знаете како се викате а не што сте пиеле претходно, таа задача доверете и ја на келнерката, па таа нека ви го прави изборот. Колку подобар алкохолен коктел направите во вашиот организам, толку подобро ќе можете да ги восприемате вибрациите кои ќе доаѓаат од звучниците, па доколку сте способни, ќе можете и да клекнете кога ќе ве погоди вашата песна или пак да се качите на стол, маса, лустер или покрив. Ако количеството алкохол во крвта не ви дозволува ни да мрднете, тогаш ако имате среќа можеби некој од вашето друштво ќе ве крене. Можеби на маса, можеби на раце па најпрвин во веце. Таму прописно ќе ве разшамара и полие со вода па ќе ве врати на забавата. Доколку не покажувате знаци на желба за забава, туку на желба за повраќање, следниот чекор е изнесување надвор од локалот, пробивајќи се низ останатите славеници кои се клатат во ритамот на музиката или неконтролирано и неартикулирано како што алкохолот ги шета низ просторот. Додека излегувате обичајот е да ве потурат со по малку коњак или вотка а не е исклучено и горење со цигара, за подобар старт на годината.

Доколку по некоја случајност вие сте личноста која изнесува пијани пријатели надвор од локалот, уште еднаш ќе потенцираме, исклучително е важно да носите некое ново и убаво парче облека, бидејќи нема смисла вашиот пријател да повраќа на стара кошула, на пример. Да, повраќањето е новогодишната фаза која се случува надвор од кафеаната, доколку имате пријател кој ќе ве однесе таму. Доколку немате, оваа фаза може да се случува и внатре, веднаш до парот кој страсно се бакнува. Само внимавајте тоа да не биде врз нив, бидејќи иако ќе бидат пијани, нема да бидат среќни со вашата одлука за начинот на решавање на последиците од пијанството. Веќе рековме дека е подобро кога имате трезен пријател кој ќе ви асистира при моментите на метење на подот со вашето достоинство. Откако неколку пати ќе ве изнесе надвор да повраќате и ќе ја помине пола од прославата заедно со вас, ќе реши дека е време за последната фаза од новогодишното лудило. Фазата која вклучува фаќање такси, влечкање на пијаното другарче до него и правец на Токсикологија.

Ако вие сте трезната фаца, ова е моментот кога наоѓате човек со кого ќе можете си честитате Нова година, и да бидете сигурни дека знае што ви кажал. Нема врска што честитката доаѓа со дупла цена и што подоцна ќе ве пцуе бидејќи вашето другарче му го исповратило таксито. Важното е да ве однесе до клиниката чие име стои во насловот на текстот. Откако ве однел таму полека ја отворате вратата од клиниката и набрзина го фрлате другарчето внатре и му посакувате среќни новогодишно-болнички моменти. Вие фаќате такси за назад и ја повторувате операцијата уште неколку пати во текот на ноќта а вашето пијано другарче преминува во рацете на дежурните на Токсикологија, луѓето кои, како што споменавме, со душа ги чекаат овие моменти од годината. Дочекувањето на првото изгрејсонце или врнежи од снег во новата година во болница е, се разбира, најдобриот можен начин да се почне годината и да почнат да ви се исполнуваат сите желби кои ви ги пишуваат во новогодишните честитки, почнувајќи од тие за здравјето, поради кое сте таму, и парите, кои ќе треба да ги оставите таму (околу 2.500 денари).

Доколку пак не се напиете доволно добро за да добиете билет за Токсикологија на новогодишната ноќ, не очајувајте, имате можност за поправен испит веќе уште наредната ноќ, во втората епизода од лудилото (втора вечер Нова година). А кога веќе сте убаво напиени за време на новогодишната ноќ пристапете кон почнување муабет со рандом момци или девојки кои се исто така поднапиени. Статистиката покажува дека во моментите на новогодишно лудување можете многу поуспешно да „фатите“ некого/некоја отколку во обично излегување за време на викендот бидејќи Новата година ги поместува сите можни граници и правила.

http://preseljenje.javno.com/gn/slike/gn_slike_3/r1/g2009/m02/x23542195271461153632.jpg

И не очајувајте доколку не се сеќавате на ништо освен на утрото на Токсикологија. Секогаш, ама баш секогаш ќе има луѓе кои ќе бидат во истиот локал и ќе бидат доволно трезни за да се сеќаваат и на вашите а и на лудориите на останатите славеници. И не само да се сеќаваат, туку и да ги прераскажат на сите кои ве знаат. А, да, добро би било една од првите работи кои ќе ги направите веднаш по будењето на први (после зачудувањето колку многу ве боли главата и што ден е) да биде логирање на Фејсбук. Ако вие немате поим што сте правеле минатата ноќ, вашите пријатели веќе ги закачиле фотографиите од кои сте дел, а кои никако не би сакале да стигнат кај вашиот работодавец, или кај вашиот партнер.

Епа, на здравје!

(Текстот е објавен во неделникот Сега на 30 12 2009)

Dec 30, 2009

0
Мејл до Дедо Мраз

Драги Христов Шпага, жена ти Мира пак мастурбира. Така ти е ко не знајш да ја задоволиш... Туку друг ми беше муабетот…

Драги Дедо Мраз,

Еј пеер, како само си ме изненадил со ова снегов, не си нормален еј. Да си ибеш, и овие градскиве власти како само успеваш да ги изненадиш секоја зима, алал да ми ти е. Срце си бе, срценце...

Јас ти пишам од Македонија. Да бе, онаа античката, од Ацета големион. Ау не, не, уште не го имаме ставено него на плоштад, чекај рано е, да поминат прво празнициве па после ко ќе му удриме едно копање на плоштадон, имат парче да го напрајме, од плоштадон ни „п“ да не се видит... Конечно ќе заличит на плоштад плоштадон ама една работа не ми е по ќејф. Жал ми е за дечкине шо секогаш спонтано се збирет по разни поводи, сега не знам кај ќе ги прает спонтаните им собири. Ама паметни се тие, ќе се снајдат, знајш и ти...

Јас, господине Мраз, да ти кажам право, ти бев едно многу умно дете во годинава шо помина и секоја вечер гледав вести и се информирав за дешавките во државава наша најуба. Посебно со внимание слушав ко ќе зборвеше пастирот или Џоле и све им вервев. Сеа пред да ти го извам списокот со желби прво ќе ти раскажам шо се дешаваше во државава.

Дедо мој мили ем драги... вака беше...

Прво, во јануари се напрајвме дрва и камења по повод новата 2009 година и така опијанети си влеговме во неа. Ко ќе си дрво полесно ти е. Ем нишо не гледаш и не слушаш и не разбираш шо се дешават околу тебе, ем можат да те делкет како сакет. Неколку дена после то се роди Исус по миљонити пат. Никако не можам да сфатам. Секоја година се раѓат и сите викет дека се родил. Добро, не баш сите. Едните среќни и радосни викет дека се родил а другиве уште посреќни и порадосни викет дека стварно се родил. А група мали рекетарчиња од сабале ти идат по дома, ти тропет и те уценвет да им дајш пари ил колачиња. Не знам шо ќе ти се десит ако не им дајш ама не е убо онака, на лоши работи ги учет децана уште од мали. И после вриело од лихвари и рекетари. Еми ќе вриет, шо сакате вие... Така и Русине. Ко мали уценвеле недолжни граѓани на Коледе, а лани во јануари ги уценвеја Украинцине. Море шо ги уценвеја, ни два ни три – кврц на гасот па цела Европа да плачит. И шо Русија... Си имавме во истото време убав пример и овде во Македонија. Чичковцине од МЕПСО бараа да и се одземит лиценцата на ЕВН а Коле рече дека Австријцине биле лош пример за странски инвеститор. Многу храбар ни е премиеров наш, Дедо Мразу. И шо, мислиш дан ни се налутија па да си заминат? Не бре. И остај шо се уште тука, дури и уште 386 нови инвеститори довлечкаа Коле и неговиот инвеститорски тим во Македонијава.

Од ко се искаравме со Австријцине си распишавме и претседателски и локални избори – две во едно и си се забавувавме многу недели со нив. Овие од СДСМ од почеток го предложија Керим за заеднички кандидат со Вмровцине ама нишо од бизнисот. Коле рече дека имале конкурс и дека и Керим можел да си се пријавит на конкурсот ак сакат. Ама не сакаше. Зато Џоле сакаше. А богами и сите него го сакаа. Одма се испотпишаа зад неговата кандидатура, од професори, академици, до музичари и што ли уште не. Во меѓувреме ние дур се спремавме за да бираме нов, стариот претседател ојде во Ватикан. Да бе, Бранко се сретна со Папана уште пред да дојт Џоле за претседател, а не пак да му текнит на Паљурци и Павле од Паљурци. И пошо сме многу влијателни, од ко го почнавме муабетот за претседателски избори и Обама во Америка официјално ја презеде функција.

И млекарине шо се маткет со Сведмилк решија да преземат нешо и почнаа да блокирет патишта низ државава. Ама и полицијана презеде нешто. Ко ги подбра на блокадите во Битола, им покажа кој е главниот во државава. Од ко ги исплашија млекарине почнаа да не плашат сите, колективно. Цела држава им се плашеше на заушките.

Па дојде фебруари. И почна да функционират проектот наречен „Цела плата“. И од шо функционираше толку добро, јануарската плата ја зеде само Чак Норис. За другите немаше. Тогашниот ни министер за финансии, Трајко Славевски не тешеше и ни велеше дека немат потреба од грижи пошо и тој ја немал земено а тој дури и кредит имал за плаќање. Срценце... Пошо ти кажав дека почна изборниот циркус, да ти кажам за уш едно срценце шо беше дел од него. Слаѓана Тасева не успеа да ги соберит потребните потписи за да станит кандидат па со плачење си ојде од циркускиот шатор. Не и чинело како се праеле избори кај нас.

Па после дождот доаѓа сонце, нели Дедо Мраз? Епа така и кај нас. После солзите на Тасева и на млекарине, дојде светлината и спасот на сите проблеми. Моше Баум се викаше. И викаше... дека првата полојна од парите шо им ги должит млекарата на млекарите ќе им ги дајт уште истата недела а другата полојна до крајот на фебруари. А после на крајот од фебруари млекарине пак се бунеа и му упаднаа в канцеларија на градоначалникон од Битола. Па пробаа и да ја заземат млекарана. Шо да им прајш ко не сфаќет... И ко не го чекаа крајот на фебруари. 31 фебруари, нормално. Или 32, евентуално. Коле шо пиеше јогурт и шо ги убедвеше дека е најјаката инвестиција шо и се случила на Македонија, им објасна дека немал никаква врска со млекарата.

Во фебруари, покрај другото, драг Дедо Мраз, почна и светската економска криза. Ама то веројатно го знајш пошо сигурно веќе ти имет пишано писма директорите на поголемине светски фирми кај шо те молат да ги спасиш. То шо веројатно не го знајш е дека истата таа криза ја одмина нашава Македонија и дури извлековме полза од неа.

Во март освен шо ВМРО и Есдеес се пљукаа и се убедвеа кој е полош за граѓаниве и државава и нишо друго посебно не се дешаваше. Ау, да. Се одржа првата дебата и уште од тогаш видов дека Џоле е претседателот шо и требит на државава и шо ќе не извлечит од сите можни кризи и проблеми. Истото то го докажаа и граѓаниве на првиот круг избори кај шо му дадоа најголема поддршка. Ама за да не испаднит дека не е фер и дека уште од прва сме избрале некого дадовме уш една шанса и се одржа и втор круг избори. На нив во април пак си победи Џоле а Фрчко рече – Господ да и е на помош на Македонија. Реченица што подоцна ќе се покажит ко доста паметна. Уствари шо подоцна, само некој ден после то Џоле покажа ко им објаснуваше на колегине новинари шо е разумен компромис. И не само шо сфатија новинарите, сите сфатија. Еве, мене во два сатот после полноќ да ме разбудиш и да ме прашаш шо е разумен компромис одма ќе ти кажам. Разумен компромис е разумен компромис бе Дедо Мраз.

И грабеж на банка на сред бел ден е грабеж на банка на сред бел ден. Сосем нормална работа. Прашај ја Гоца од МВР ќе ти објаснит. Да не беше нормална работа досега ќе ги имаше фатено баткине шо ја ограбија Прокредит, шо ранија полицаец и шо фино лепо си заминаа во непознат правец. Ко вицон – Крадецот се качи во лифт и замина во непознат правец.

Во истиот април Уставнион Суд ја укина веронауката по школиве во нашава ни секуларна држава и одма го прогласија за партиски а МПЦ од ко сфати дека стварно се наоѓат во секуларна држава побара, ако требит, и да се сменит Уставот само за да мојт веронаука да се учит. Ти викам бе, паметни и умни луѓе живеат овде кај нас, и сите заслужвет пакетчиња за Нова Година.

Е сеа, мили мој Дедо Мраз, ти теквит на почетокот од мејлов ко ти пишав за ЕВН и Австријцине? И ти теквит ко ти реков дека не им се плашиме и дека ништо не ни можат? Епа испадна дека сум те лажел. Ни опнаа тужба и не однесоа на меѓународна арбитража во Вашингтон. Истовремено, таму подолу од Вашингтон, во Мексико, почнаа паниките со свинскиов грип. Контра напад во мај организираа средношколцине. Добро, не баш на грипот, ама ко се размаваа со јајца по Министерствоно за образование за да им ги укинат екстерните испити... Е, тие ти се пример за неумни деца. Нив да не им носиш пакетчиња. Добро? А така... Али сепак, после испадна дека имале право, и тие чичковците од Уставнион Суд, тие лошите, го укинаа и него. После средношколците, и на студентине од државнион им текна дека можат да протестирет за нешо. Тие не носеа јајца ама според власта носеле партиски книшки. Џабе им било протестирањето и барањата пошо биле партизирани.

Во меѓувреме Џоле уш еднаш покажа дека со право го ставивме за претседател и Сејдиу ја откажа посетата во Македонија од ко ја преименуваа од официјална во неофицијална. А Бране пак, најофицијално го рестартираше СДСМ и рече дека парче ќе напрајт со него. Еве го, се растури од парчиња праење. Ама зато царинана парче го напрај Фершпед во јуни. Му ја одзеде дозволата поради пакет со лижавчиња. А пред да заминам на плажа Трајко Славевски покажа дека си стојт на зборот. Наспроти изјавата од зимата ко убедвеше дека немат да влезиме во рецесија, на крајот од јуни рече дека сепак било можно да подвлезиме, така малце... во вториот квартал.

Да, да, нормално дека не влеговме во никаква рецесија ни во вториот квартал Мразу мој убав. Ама за вториот дел од 2009-та ќе ти раскажам во другиот мејл. Немат место во овој. Тогаш ќе ти ги набројам и желбите за в година. А ти биди умен и наврати некогаш навака. Или барем влегви на Фејсбук почесто. Ич те немат, ни статус апдејт да напрајш, ни фотка некоја со Баба Мразица да стајш, ни нишо... Ајт, се читаме...

(Авторот беше умен цела година. Сеа сакат пакетче)

(продолжвит во следниот број)

(Колумната е објавена во неделникот Сега на 24 12 2009 )

(Наредната во печатена форма во Сега во четврток на 31 12 2009 а во електронска на Мојон Блог во вторник на 05 01 2010 )

Dec 23, 2009

0
Коцка прва класа

Се молат сите бабички кои моментално се бањаат за без пари да земат крпа, да се забришат и да побрзаат до најблиското училиште кај своето внуче за да му го побараат компјутерот шо е за секое дете, па да пишат по еден мејл и да се пријават за во арката на Дедо Николче со реден број 24/7 бидејќи истата тргнува во сабота сабајле на единствениот директен лет од Скопје до Париз. За тие што избегавет бањање немат Париз.

Наградите ќе бидат извлечени кај Томиќ на МТВ во најновото шоу „Кој сака да биде ко Коце?“. Замислата на ова ново риалити шоу е да можат и обичните македонски граѓани да го видат градот на кој шо ќе личит главниот им град, или во превод – Пинки го виде Тито, Коце го виде Париз, а стоте најсреќни ќе можат да ја видат коцката во Париз. Емисијата ќе ја отворит Коце кој ќе ве водит низ првиот сегмент наречен „Коцевите патувања“ каде главен акцент ќе се ставит токму на Париз.

- И ви викам, имав неколку саати слободни па си викам дај да шетнам и јас малце. Ииииии... си шетам јас така по Париз и си викам дај да видам колку ојде сатот, дан закаснам, дан ми заминит авионот па после да требит пешки да се враќам, кога оп – гледам на левата рака – ништо. Се вртам кон десната – пак ништо. Сатот нигде. А поклон ми беше, башка и тазе рестартиран по париско време... И шо ќе прам сега? Ништо, фатив да го барам па тргнав да се враќам назад од кај шо дојдов и све надолу гледав. Барај, барај, саатот нигде, кога наеднаш... гледаааааам коцкаааааааааа...

Ќути кај шо не му текнало да се опулит нагоре, ќе ја видеше Ајфелова, после шо ќе праевме... Да, ова би го рекол јас оптегнат на двоседон пред телевизор дур во студио имаш спонтано зачудување на публиката и испуштање неартикулиран крик. Па Коце уште поемотивно продолжвит:

- Да бе, стварно коцка. И одам таму и и викам, амори, ти стварно си коцка? Ми викат – да бе брат, јас сум ти коцка прва класа, од посебна раса, ми каса ес су каса... Ја гледам така од околу, па се тргам малку, па така наеднаш воскликнувам и оддекнувам на сред Париз – аииииииии, шуба си билааааааа морииииии... Знајш шо, и викам. И та ми враќат – шо бе Коце? И ја прашвам – амори, од кај ми го знајш имево? И ми враќат – Коце бе љубавиииии, за добрите градоначалници надалеку се слушат. Јас сакам ваков маж ко тебе, прогресивен, со снажни раце градителски, а не ко овај нашиов, за нишо шо не го биват. Од кога го убедвам да изградит уш два-три моста на Сена, тој не па не. Му викам, види Коце во Скопје покрај Камени и Железен, ем „Око“, ем уш еден мост ќе прајт и ич око не му трепкат, а ти стојш така, неспособен еден, ваков еден, таков еден, никаков еден... И да ви кажам право, во право беше коцкава, а и башка ме личит за градоначалник на Париз ама јас сум патриот бре, и пред да заминам Париз да им го средвам, ќе поседам овде, малце од малце Скопјево да заличит на чоек. И и го кажав ова, и коцкава остана скршена од жал по мене, ама пред да заминам и да си продолжам да си го барам сатот ми рече дека ќе ми откриела една тајна. И стварно ми откри. Ми кажа дека сатот ми бил уствари Скопје под плоштадон закопан и дека ќе морало да го ископам плоштадон за да си го најдам и да си го извам. И сега драги мои, ќе ме извините, јас немам многу време, дајте да ги извлечиме овие шо ќе одат за Париз па да одам јас, ме чекат копачон во колана долу пред МТВ.

И тука Томиќ се уфрлат – ха, ха, ха, баш е духовит господинот градоначалник на главниот град, прстолнината на големиот Александар, избран од партијата на пастирот. Всушност тој дур бил во Париз влегол во некоја коцкарница и... Оп, тука имаш прекин на програмата и се уфрлат некоја нова владина кампања за... за... ај да речиме нека е за викање добар ден ко ќе виш постар чоек на улица.

Чекајте сеа сериозно. Добро, шо ви е бре вас луѓе и народе македонски, се нешо ви фалит. Пенов ја извајл коцката – не чинел. Коце ќе ја враќат – и тој не чинел. Па дајте остајте ги нека си поигрет децана, ако не го орет плоштадон дур се на власт, кога? Да не се тепавте за субвенции и да им остаевте да земат некоја нива немаше да си игрет на плоштад, ама ко сте лакоми шо да ви прам... Башка и досадно ќе е ако не се дешават нишо. Еве сеа Коце ќе враќат коцки, ќе го носит Ацета на Букефал качен, па уш катаљарда споменици, па уш некој мост на Вардар, па музеј на ВМРО, па музеј восочен, па проширување на Илинденска, па рестартирање на сатон...

Еве, замислете... за некоја година нови избори, си ојт Коце од функцијава и новиот градоначалник да речит – све си е убо во градов, јас нишо не чепкам. Ќе речите – види го, мрза, на готово си најде и така си седит сеа. Се знајт бре, уште од прв ден, ќе го изорат уш еднаш плоштадон, па ќе ги извајт коцките и ќе го пуштиме на пат околу светов за да одлучит шо ќе градит со нив. И ќе ни се погодит да појт во Пиза и ќе имаме кула. Шо сакате појќе? После ќе појт кај фонтаната, ќе го станит Ацета од на Букефал и на негово место ќе ја седнит шмизлата а Ацета ќе го отерат бикон да го јават. Фонтаната од кај Ацета ќе ја ставит на сред Вардар, на местото од мостон „Око“, пошо истиот ќе го префрлит на местото од жичарата на Водно а жичарата ќе ја ставит да изиграват јавен превоз на местото од двокатните автобуси. Во еден од нив ќе ја преселит својата канцеларија и градот убав пак ќе рикне. После него можда ќе дојт некој со пиромански фетиши па...

Морат да се исполнувет желбите и фетишите на властодршците онака како шо им се појавувет. Денес на пример ги мразиме и грчиштана и европјаништана и едно име имаме, во душата го носиме, за тебе живот даваме, оооооо Македонијооооооо... Утре на пример се смешкаме пред камери со Јорго и името го даваме, грците ги сакаме а европјаните се срциња најубај. Задутре пак грчиштана ги мразиме а европјанине се сеуште срциња најубај и името го даваме ама за идентитетот можат да ни се фатат. После ко ќе се појавит некој новинар лош и ко ќе прашат шо прајме уствари, ќе им кажиме дека сме за разумен компромис, а шо е разумен компромис ќе си прочитет сами на страница 146.

Ама добро, ако властодржците појма немет шо прает, бар опозиционериве имет. Чичко Тачи шо барат протекторат и чичко Бране шо му дават на Колета бланко, да не речам бело, минатата недела имале средба за доброто на Македонија мила. И средбата била на најубото место кај шо мојт да се решават за судбина на една земја – в кафана во Тетово. Проблемите ги согледувале со шопска салата а решенијата ги наоѓале со ж`та. Мотото на журката било – ако требит и дрво ќе се напрам за доброто на Македонија. Од ко сфатиле дека никакво добро не ја чекат гореспоменатата, фатиле уш појќе да пијат, да кршат, да плачат и да фрлет пари по певаљката.

Дур сме кај фрлање пари и воопшто кај пари да си прашам јас шо е работава со дечкиве од Завод за статистика. Викет просечната плата за јули била 19.763 денари, за август 19.867 денари а за септември 20.044 денари. И дополнително викет дека од една плата можело многу убо да живејт четиричлено семејство. Имам три прашања до луѓето таму:

1 – кај живејте бе вие?

2 – чии плати мерите?

3 – з`ш ме гледат намќоресто комшијана од трети?

(Авторот за градоначалник на Скопје! Изберете го па ќе ви ставит ламинат на плоштад!)

(Колумната е објавена во неделникот Сега на 17 12 2009)

(Наредната во печатена форма во Сега во четврток на 24 12 2009 а во електронска на Мојон Блог во вторник на 29 12 2009 )

Dec 16, 2009

0
Солун е наш! И ливадите околу него!

- Каде за Нова Година бе?

- Бардовци брааат, слушам лани лудница било.

Е ова ти е пример за стара финта. Сеа нова имат. Оваа година в Собрание слушам лудница ќе било. Трајче закажал новогодишна седница со пратенички прашања на 31 декември. Ќе ги прашвеле премиерот и министрите кај ќе слават Нова Година и со шо мојш прописно ем преродбенички да си се начукаш. И моите анонимни извори ми кажаа дека од нигде никаде на сред седница ќе се појавел Џоле облечен ко Дедо Мраз и ќе им поклонел по едно шише Антика на сите присутни и после заедно ќе ја колнеле Грција до двеилјади и десетто колено.

Наеднаш Гоца ќе изваела гитара и ќе почнела да свиркат а Зоки Ставревски ќе ги изваел лајцата и виљушката од внатрешниот џеб од оделото и ќе почнел да тропат по масата. И дур цела опозиција се чудит шо се дешават станвит Коле и почвит – се што сакав јас по тебееееее, нема здив, нема боооол, нема трагаааааа... се што сторив, се што љубев после нас беше ништо, беше празно, беше лагаааа... Се што сакав јас по тебееее, лажна ноќ, стопи се како пена, сиот живот ти ми беше сега знам, сета лудост сите сказнииии сета желбаааааа... ооооооо Европооооооооооо, нооооо ти си некадееееее кај што немааааааа да те допрааааааам и само ветооооооооооо ми останааааааа од тебееееееееее... А што да направаааааам со античко минато, со себееееееееее... со споменикон од Букефал шо го планирав за на плоштааааааааад...

И после фаќат кршит столој, маси, лаптопи, па на крај ја ваѓат партиската книшка и ја кинит... Да бе, исто ко Цацко ко ќе се изнервират... Па и власт и опозиција, и новинарски екипи му се фрлет во прегратка и почвет да го тешат а Џоле во некој ќош расплакан продолжвит да ја колнит Грција – тие ќе ми го расплачвет Колета, а? Ќе видат тие убо, ко ќе ги фрлам во бунарон од Павлета во Паљурци па таму да ги поминат и Нова Година и божиќни празници...

Па во меѓувреме Си-Ен-Ен и Би-Би-Си ја прекинвет новогодишната програма и се вклучвет во живо во Собранискион канал а градоначалникон на Њу Јорк ги бркат од сцената Блек Ајд Пис и со холограм на Тајм Сквер слетвет Латас и Ивона да ги известат присутните за новонастанатата ситуација дур во позадина од големите екрани го паузирет одбројувањето на 6 секунди и се префрлет на преносот од Собрание.

На првиот канал на МТВ со падобран во студиото слетвит Томиќ и кајронот со Јутјуб адресата од предавството на Љубе го заменвет со адреса од Јупорн кај шо го претходно тотално анонимна личност го имат ставено домашното порно видео на Јорго и Бакојани. Томиќ во студиото му прајт експертска анализа на видеото заедно со неговата гостинка Северина. Јорго и Бакојани цели расплакани земет телефонот и вртет кај Томиќ ама по грешка се јавувет кај Јанко и почвет да му објаснувет шо се десило. Ама Јанко сфаќат за шо се работит и одма викат – ајде младичу, исклучи го, ајде, ајде...

Јорго паѓат во несвест а ЕУ и НАТО свикувет итни седници на кои уште во првите минути од 2010 ја бркет Грција и ја терат да си го сменит името а ја примет Македонија под уставното име а во графата нација пишет „Македоноиди“. Коле и Џоле вртат пајдушко на сред Собрание а младината од ВМРО-ДПМНЕ спонтано се собират пред грчка граница и на три-четири знак од Влатко Ѓорчев со залет влегвит внатре и тргвит накај Солун, да ги освојувет грчките бутици и да го закачат на сред плоштад големиот транспарент – „Солун е наш! И ливадите околу него!“

Во меѓувреме на Тајмс Сквер Латас ја најавуват и ултимејт супер-стар атракцијата Благица Павловска која конечно се слеквит гола дур насобраната раја заеднички мастурбират повторувајќи ја паролата – „убо шо ти текна, ние мислевме само на насловни страници ќе те гледаме разголена два пати месечно“.

Уште сабајлето Шпанија и го предават претседателството над ЕУ на Македонија по што Коле на инсистирање од Џоле го преселвит седиштето во Паљурци, денарот го потиснуват еврото и станвит официјална валута на ЕУ, сите европејки раѓет по трето дете а споменици од Аце качен на Букефал имат во секој град и село во Европа, одма до факултетите и бесплатниот интернет. Секое дете добиват бесплатни учебници и компјутер а Обама му барат совети на Колета како да ја пребродит економската криза која што нас не одмина.

Али Ахмети истоварат специјална единица борци за човекови права на сред Берн во Швајцарија и по тридневно борење за човекови права швајцарската влада давет дозвола за изградба на минариња и Али со поддршка од Коле реализират акција наречена „Минаре за секое дете“ со поделба на ваучери во основните и средните училишта. Тендерот за изградба на минарињата го добиват фирмата „Линк медиа плус“ која најголемата слава ја доживеа ко ја изврши набавката на маици и панцири за МВР за околу 700.000 евра а последниот проект кој го спроведува во Македонија е новогодишното украсување на главниот град. Откако ќе ја спроведат акцијата со минарињата во Швајцарија, Коле ќе ја зејт фирмата под рака и ќе ја шетат низ светов, ќе ја претставуват по саеми како најдобриот избор за сите можни видови тендери и јавни набавки.

После Гоца ќе донесит закон за замена на личните карти во рок од три месеци и ќе ставит 2 линии за закажвење во цела Европа а за грчиштана и двете ќе бидат недостапни па после од ко ќе им истечит рокот ќе ојт и ќе им пишит казни. Со парите од казните од грчиштана Коле ќе им платит бесплатно бањање на пензионерите од цела Европа а со остатокот ќе набавит двокатни автобуси за сите главни градој од европските држави.

Во меѓувреме МТВ ќе им ја презејт гледаност на Си-Ен-Ен и Би-Би-Си и Томиќ ќе станит светска ѕвезда а кајроните со светските предавници ќе се вртат 24/7 низ цел свет. Впрочем „Кој сака да биде предавник“ е и името на ново шоу на Томиќ кое ќе постави нови рекорди на гледаност и ќе ја срушит и Шехерезад. Гледачите од целиот свет, екстра задоволни од програмата ќе плаќет по една годишна претплата секој месец и на зградата на МТВ ќе се изградат уште 124 спрата по што заедно со Томиќ ќе се лансират во вселената на 21 12 2012.

На патот низ небесните тела ќе се судрит со еден астероид и тој ќе ја сменит својата насока и ќе се насочит кон земјава. Во мисија за спасување на светот ќе тргнат Чак Норис и Александар Македонски но таа ќе се покажит ко неуспешна и крајот ќе бит неизбежен. И додека светот ги одбројуват своите последни моменти пред својот крај, на прес конференција ќе излезит Бичиклиски каде ќе изјавит – Почитувани, и самите можете да видите дека нашата влада работеше напорно на развој на светот и подобрување на меѓусебната соработка, толеранција и разбирање и резултатите беа фантастични и целиот свет го валоризираше нашиот труд на изборите но сега ќе мораме да потклекнеме на самоволието на еден човек поради кој светот каков што го познаваме ќе престане да постои. Почитувани, пред да не мавне астероидот имам само едно нешто да ви кажам – Бранко е крив!!!“

И после сето ова ќе ми дојт Дедо Мраз од негде и ќе ми врзит два-три шамари по што јас ќе се разбудам и ќе сфатам дека сеуште живеам во жална Македонија која не ја сакет ни во НАТО ни во ЕУ. Добро... бар не ни требат визи за да забегаме сеа...

(Авторот ве охрабруват – Блиску сте до влез во ЕУ, ајде, ајде, уште само неколку децении...)

(Колумната е објавена во неделникот Сега на 10 12 2009 и на порталот Окно на 14 12 2009)

(Наредната во печатена форма во Сега во четврток на 17 12 2009 а во електронска на Мојон Блог во вторник на 22 12 2009 )

Dec 9, 2009

0
Шенгенски приказни и бајки за деца

- Добро вечер почитувани гледачи, вие следите вести. Настан на денот – Падна шенгенскиот ѕид!

- О, неееееееее. Како беееееее, како само можевте... Брзо, дај некој нека ојт да го крениииииит! Немојте вакви работи бре, ај шо не мојте економијава да ја средите, ај шо не мојте работа на луѓево да им обезбедите, сеа и ѕидојве почнаа да ви паѓет. Мислам... дајте аман, срамота е, ќе ви се смејт светов... Еден ѕид да не мојте да го додржите. Не е чоек власт да им дајт на Вмрооооооовциве, одма ќе почнет да рушат нешо. Вчера ѕидов го паднаа, денес интернетов ми падна, утре... шо е следно...

Ма нормално дека се зезам. Ај честито Коле, ај честито владин тиму бестрашен, ај честито граѓани македонски напатени. Сега конечно ќе мојте да се изнашетате по светов бел. Стварно голема работа. Едвај чекам да можам на внуците после да им раскажвам за едно четириес-пеес години.

- Еееееееј, внуци мои мили, да знајте само колку ми беше тешко мене тогаш во таа државата шо се викаше Македонија...

- А дедо, дедо, шо се деси со таа држава, з`ш појќе не постојт?

- Еееееех внучко, долга и широка е таа. Чекај прво да ти кажам за ѕидот тој шо падна.

- Ама дедо, дедо, да погодам, да погодам... Бранко е крив за то шо се распаднала таа Македонијата, така?

- Абе тебе Бичиклиски да не ти е случајно дедо? Али... искрено, токму така, токму така внучко, Бранко лош и за то беше крив, ама то друг пат ќе ви го раскажвам. Сега за тој ѕидот. Имав едно 20 години и едно 20-тина иљади евра собрано тогаш. Имав пари колку да сакам, имав јака кола, имав... абе све си имав, све. Само едно нешо ми фалеше...

- Ум, дедо?

- Па и троа ум имав ама немав можност да излезам од таа државата кај шо живеев, Македонија шо се викаше.

- Ам з`ш бе дедо. Ак си имал тоооолку многу пари, з`ш да не си можел.

- Абе внучко, ти викам, визи имаше цеееееело време. А знајш...

- Ам дедо, ко ќе имаш пари и виза мојш да си купиш и све. Мислиш не најде помали па нас ќе не лажиш... Оди бегај таму...

- Не ве лажам бе внучиња мои мили, кај ќе сум ве лажел вас. Стварно ви викам, така беше, такви времиња беа тогаш. Да не претерам ама можда едно 95 посто од Македонците имаа паришта многу и све си имаа, исто ко мене, ама не можеа и не можеа да излезат од државата бре. То ни беше единствениот проблем. Друго све си беше најубо, економијата цутеше, луѓето се сакаа меѓу себе, не се имаше десено некој некого да натепат само поради то шо овој другиов сакал јавно да го искажит својот различен став по некое прашање на плоштад, или скраја било поради етничката припадност или сексуалната ориентација. Тогаш немаше протести, немаше штрајкој, немаше ништо такво бре. Сите беа среќни и задоволни и сите среќно си живееа. Само ви викам, тие пусти визи не спречуваа да излезиме некаде низ Европа да прошетаме. Ама ќути среќа, тој Коле императорот ко им појде на Европјанине, па ко им списка таму, па ко урнаа и порти и ѕидини и сонце огреа, и славеј запеа и Крали Марко стана и влажна јамболија на оро заврти...

- Дедо, ај најди си други внучиња да лажиш... ајдеееееее веќееееееее, секој ден...

Шо разбирет деца шо е преродба... Туку јас, брат, да ти кажам право, секогаш ко ќе се дешават нешо вака големо во државава си пуштам Сител. Таму најубо се радват. Овие другиве големи намќоришта се, ни радост да покажат ни нишо. Еве сеа дури ни снимките од плоштад Пела (кај шо од в година ќе имат капија) не ги пуштија другиве. А таму уш еднаш се покажа спонтаноста на македонштината. Ви зборвев за спонтанотста пред 6 недели ко добивме препорака од Европскана комисија на ЕУ. Сега ќе ви зборвам за љубовта.

А љубовта најубо се илустрират со снимката шо ја пушти Сител од плоштад Пела. Стигват коњаникот Коле и ѕвездените шерифи пешадија од Илинденска 24/7, по кејон до таму, а таму спонтаносиве. И еден од нив му се фрлат на Колета в прегратка и го бацвит. Па срциња по екранот, па ружи портокалови па Деветта симфонија од Бетовен во позадина... Само едно нешо ме мачит во целава сцена. Ја знам онаа „нее суди по амбалажи видечеш на крајууууу...“ ама сепак не можам а да не прашам – зошто, оооооооо зоштоооооо се радвеше дотичниот господин. Вака на прв поглед ми изгледаше ко да немат бидено ни на викенд во Охрид во последниве 10 години, не пак да ојт и да изиграват турист по Европа. Ама пошо за некоја година веројатно ќе почнит и пензија да земат, немат гајле, ќе се бањат по бањине заедно со Колета. Ко шо тргнала работа, на црно ил на бело, младинава се спремат да забегат шо подалеку од овде па Коле ќе мојт на раат да си се бањат со пензионерине за гратис.

Сепак, апсолутно и дефинитивно, пред да забегаме ќе уплатиме на жиро сметкана за обнова на Бигорски. Некои веќе беа кај Ламбета на концерт, некои се јавија на неделната хуманитарка на МТВ, некои дадоа пари негде по црквине... Како и да е, морат да им помогниме на господинот пута два Стефан и останатите црковни маченици пошо тие самите не можат. Колку ми паѓат жал ко ќе ги видам во џипојне обвиени во црнило, тажат, жалат, за граѓаниве македонски, и никако не можат да им помогнат. А не дека не сакет, море да видиш како сакет тие, ама ко ќе немат, немат бе брат... Од каде? Од кај ќе имет пари? Ај да речиш да им фрлаа паришта за секоја свадба, крштевка, закоп, задушница... па да имаа и да им помагаа на напатениве ни граѓани наши. Ама такви времиња дојдоа. Али сеа, ко не можат тие да помогнат, дај ние да им помогниме. Нормално дека МПЦ-ОА немат пари за обнова на Бигорски шо е стар скоро илјада години ко требит да градит нова црква на плоштад за да го одбележит ликот и делото на императорот Коле. А и возниот парк морат да се обновит, мислам, немат смисла онака во црнило да шетет по градов. Требит да собираме донации и за бели џипој, да не се срамат ко ќе одат по свадбине во црнило...

Дур сме кај опиумот за народот, да ја спомнам и тетка Валентина Божиновска, директорот на Комисијата за односи со верските заедници и религиозните групи. Ви зборвам за тетката шо за секуларноста дозна од „некои печатени медиуми“ кои наведувле оти, замисли, МПЦ е одвоена од државата со Уставот, и која како претставник на Владата на неодамнешниот Архиепископски црковно-народен собор отворено порача дека „државата ќе стои зад се што ќе биде активност на МПЦ(веројатно тука се вбројуваат и изгревите и залезите)“. Таа во петокот на исламскиот празник Курбан-бајрам упати честитка до претседателот на Исламската верска заедница, реис-ул-улема Хаџи Сулејман ефенди Реџепи и до сите граѓани од исламска вероисповед. Па тета Вале... па шо ти фалеше под крилјата ангелски на МПЦ? Па шо било ова, директор на Комисија за односи со верските заедници и религиозни групи ќе се занимават со некоја си исламска верска заедница... Глупости, глупости...

Ама чекај за крај да им се израдвам на Колета и на Јорго. По втор пат си се видоа и си се дружеа петокот. Овој пат и Сали им се придружи и заеднички си шљапкаа во водите на Преспанското езеро по што заминаа на затворено. Само не знам шо прает зад затворени врати... требит на то да се припазит, сепак, дечиња, ќе се заигрет, некоја беља ќе напрает... А после читам, сите тројца топтан потпишале некакваси Декларација за заштита на животната средина и „во документот шефовите на трите држави искажуваат согласност за потпишување договор за заштита и одржлив развој на паркот „Преспа“ на 2 февруари 2010 година, со што ја потврдуваат својата заедничка одговорност за заштита на еко-системот во областа, како катализатор за неговиот просперитет...“

Аха, заедничка средба, заедничка согласнот, Преспа, втори втори, 2010, катализатор... Хмм... на втори втори викаш, а? Еми арно де, нив да им е убо...

(Авторот спонтано се мават по шофершајбни ко ќе видит полицајци)

(Колумната е објавена во неделникот Сега на 03 12 2009)

(Наредната во печатена форма во Сега во четврток на 10 12 2009 а во електронска на Мојон Блог во вторник на 15 12 2009 )

Dec 2, 2009

0
Ако тргнеш еднаш...

http://i47.tinypic.com/rsza5j.jpg
Ако тргнеш еднаш да шеташ по дождов,
да посакаш патот да ти биде влажен,
полн со вирчиња, со чадорчиња полн
Од таксистите и автобусите на ЈСП,
и од гневот на несовесните возачи не плаши се,
такви на патот никогаш не ќе сретнеш
и испрскан нема да бидеш,
ако мислата ти остане сончева, ако избрана
девојка во гужвата ко демек случајно ги допира
твојот ранец и телото твое...

Dec 1, 2009

0
Кој го уби Титаник?

Уааааааа Си-Ен-Еееееееен, уаааааааа предавницииииииииииииииииии! Уаааааа анти-македонци, уааааааааааааааа транзициони политичариииииииии...

Срамота бе брат. Стварно срамота. Јас не знам како не се засрамит онај Ричард Квест, шо ко демек глумит новинар, а тој уствари комуњар да ти бил, платеник од Бранко. Ми ја срамит професијава, го прашвит Колета дали бил сигурен дека Македонија ги делела истите вредности со ЕУ. Уште прашвиш... нормално дека ги делиме, иту делење... маме им онаквиме... Еве ти и пример. Еве да зејме, ако вредноста на демократијата во ЕУ е 10 на скала од 1 до 10 ние ја земаме и ја делиме со 24, пошо толку сати работат Коле и поданиците негови секој факинг ден за тебе Ричарде да ти е поубо. Значит, 10 делено на 24 = 0.41666... И ете ти, одма имаш ниво на демократија во земјава. Поделено и посветено, 24/7. Друго нешо да прашаш, да имаш нејасно, платенику еден?

Писмото? Ти уште не знајш шо е традиција бре, нетрадиционален комуњару еден! Коле секоја година им праќат честитки на вмрооооооовцине негови. Првото такво писмо е забележано уште во далечната 1912 година кога пастирот напиша:

„Драги браќа и сестри,

Почитувани пријатели и сопартијци,

Во изминатите години ВМРО-ДПМНЕ, со силни заложби работеше за ослободување на нашата татковина од стегите на Отоманскиот окупатор и поттикнување економски развој, прогрес и преродување на нашата мила и античка Македонија во сто чекори.

Имавме јасна визија за иднината на нашата Татковина и бевме посветени на преродбата, но иако ја надградивме и проширивме сеуште оние комуњариштана лоши не не оставаа да работиме и да ги оствариме нашите големи планови.

Затоа, време е за последната битка со јаничарите кои зад себе оставија пустош и беда и кои во нашата држава ја донесоа малодушноста, криминалот, лагата и искривените вредности. Време е да ги пресретнеме нивните обиди повторно да ги земат под заложништво македонските граѓани и нашата татковина.

Во претходните борби тие беа поразени, но не исчезнаа. И се би било во ред доколку ваквите процеси се во рамките на демократската политичка борба. Се би било во ред, доколку денес не се соочуваме со комуњаришта на кои потребата од власт им е единствена потреба и цел. Ваквата зависност ги прави подготвени за секакви сценарија со кои ќе настојуваат да се дискредитираат сите наши позитивни придвижувања.

Затоа потребно е целокупното членство, сите партиски структури и поединци, се до последниот човек во месните комитети, да се мобилизира за финална битка со остатокот од македонската транзиција и нејзините јаничари.

Потребно е да делуваме веднаш и уште утре да се впуштиме во борба, во борба, во боооооорбааааа...

Искрено ваш,

Пастирот Антички и Македонски, Коле Први“

И така внучко, преку една координирана и врвно организирана акција на 14 април 1912 година бродот во кој пловеа предавниците и платениците се мавна во една голема ледена санта мраз и потона, а со тоа беше спасена нашата мила татковина. После многу години, во 1997 снимија и филм за нашиот херојски подвиг а следната 1998 добивме и 11 оскари. И оттогаш секоја година пастирот ни праќат писма а ние ги следиме неговите инструкции. Вистина е вучко, да му веруваш на дедо...

И сеа Ричарде, уште некое прашање дан имаш, а, комуњариште низаедно?!? Чекај, чекај, штотуку ни стигна ексклузивна информација од кабинетот на Џоле да Кинг. Како што дознаваат неговите разузнавачки извори, Ричард Квест не бил воопшто комуњариште, туку замислете, Бранко се дрзнал да упаднит во Си-Ен-Ен и да му подметнит лоши прашања само за да го минират патот на Македонија кон евроатланските структури.

Оооооо, ти лош, лош Бранко, јас не знам како не се засрамиш веќе еднаш.Прво Ламбета му го подметна на Џолета, сеа и на Ричард почна да му подметнуваш, срам те било. Не е чоек да сработит нешо и да бит прогресивен од тебе, одма ти ќе се појавиш да заебиш нешо...

Еве и од штабон вмровски потврдувет дека писмото и пресметката со неистомислениците и транзициските политичари ја сведувет на креација на нови идеи, вредности и промоција на принципите на отчетност, работливост, посветеност, чесност, транспарентност - вредности што не можеа ни да се замислат за времето на транзицијата.

Морам да се согласам со нив. Еве брат, ако ти теквит Коце на пример, имаше една прекрасна и креативна идеја да го рестартират сатон ама одма овие комуњариштава почнаа да зборват како тој бил симбол на старото Скопје од пред земјотресот, како то било глупост... срамота бе, срамота, не те оставет да си креативен и прогресивен... Џабе и отчетни, работливи, посветени, чесни и транспарентни шо се, ко пак комуњарине не ги оставет да се покажет и докажет. Џабе им е и цела транспарентност и шо давет отчет за секој потрошен денар од Буџетон, посебно за парине шо ги трошет за прогресивнине и продуктивни владини кампањи... се им е џабе ко Бранко ги кочит.

И не само за то, за све кочит Бранко лош. Шо мислиш, з`ш седмооделенцине уште немет учебници? Мислиш Тодоров дан е нешо крив? Тој така невин и прогресивен се трудит да ги испечатит иту на сопственион принтер дома, ама ко ќе не те остават Бранко не мојш и не мојш... И пази, уште не ни сакат да ја кажит вистината и да го обвинит Бранко, з`ш е чесен чоек па пред новинарине викат – утре ќе имат, жими мајка...

Ама јас ко нетранзициски и прогресивен новинар му го открив планон на Бранета. Ако мојт да лажит овде во Македонија, во Холивуд то немојт да му успејт. Ти викам, бев да го гледам филмон „2012“ и таму сите планој му ги откривет. И замисли, не само шо планират да ја уништит преродбава, туку крајниот план му е да го уништит и светов. Планот му е то да го напрајт на 21 декември 2012. Тогаш ќе го срушит светов и сите години преродба и посветена работа ќе заминат по ѓаволите. Ко шо кажвит филмов, најавата за апокалипсата ќе ја донесат новите учебници за седмо одделение шо тогаш свечено ќе им ги предајт Тодоров, од ко ќе појт Бранко да му го оддглавит принтерот.

Ама иако Бранко планират на таков поган начин да ги срушит сите овие години преродба, нашите пастири не се давет, и до последен момент ќе се борат против него. Џабе му беше и шо му подметна лоши прашања на Колета на Си-Ен-Ен ко сега пак ќе не имат таму. Ќе си го рекламираме нашион најубав бренд, нашено вино најубо кое со кое си се гордејме и шо не мојт да се купит после седум сатот. И имат светов да ги видит и Индијана Џонс и Џемс Бонд кај шо го пијат, и имат да се знајт дека и тие се антички Македонци, потомци на Ацета, деца пастирски.

А пастирот наш утре ојт да го решит Јорго во 24/007 стил во Мала Преспа, во местото Свети Ахил. Мој совет – Колеееееееееее, гаѓај го в петааааааа... Или ако не мојш ти викни го Џоле, тој најубо мојт да му објаснит како се решават проблем и шо е разумен компромис. Ако не се разберат, ќе му пуштит некоја клетва и завршена работа...

Пастиров и Јорго ќе се најдат на грчко-македонско-албанската средба за заштита на околината во регионот, пред Самитот за борба против климатските промени во Копенхаген. Да ти кажам право, отсекогаш знаев дека глобалното затоплување ќе ни ги решит сите проблеми. Зато така посветено си загадуваме и уништуваме а два пати годишно си пејме – сакам зелено да ми е се... и стварно све во државава е зелено, од зелено, позелено... Али остај ти зеленило, јас едвај чекам да се разбудам утре со мотото – стаклена градина наместо нон-пејпр, шо и да значит то!

Туку, пред некој ден се возев со автобусине, оние преродбеничкине од ЈСП. Се возев и си читав весник... а весников викат – „ Три фирми ќе учествуваат во изборот на третиот тендер за најповолна понуда за набавка на 202 двокатни автобуси... Еден од главните услови пропишани во тендерот е автобусите да имаат ретро изглед...“

Читам, па гледам во автобусов... Читам пак, па пак го пулам автобусов... Уште еднаш му се враќам на весников па пак ѕиркам наоколу... Абе вие ме заебавате мене или навистина сте побудалеле?

Поретро од ова?!?

(Авторот е прогресивен продавач на преродбенички пувки)

(Колумната е објавена во неделникот Сега на 26 11 2009 )

(Наредната во печатена форма во Сега во четврток на 03 12 2009 а во електронска на Мојон Блог во вторник на 08 12 2009 )

Nov 27, 2009

0
Мала Преспа... Голем пазар...

















клик за поголеми димензии

Nov 26, 2009

0
З`ш да не... колумна 20

Во денешното издание на неделникот „Сега“ дваесеттата од серијалот колумни насловени „З`ш да не...“ Денешната со наслов „Кој го уби Титаник?“ на 28 и 29 страница.

Хајлајц момент - „Преку една координирана и врвно организирана акција на 14 април 1912 година бродот во кој пловеа предавниците и платениците се мавна во една голема ледена санта мраз и потона, а со тоа беше спасена нашата мила татковина.“

Ова... и многу повеќе од тоаааааааа.... за самоооооооо 50 денари со кои добивате волшебен магазин со доста квалитетно и интересно четиво за моментите кога се дружите со вашата шолја во wc, на пример. :)))

Ако сепак сте скржави и не ви се дава пеевче, денешната колумна на Мојон Блог во вторник фор фри.

Nov 25, 2009

0
Враќање од иднината

Светло, СТОП. Крајот на тунелот, СТОП. Усвоена резолуцијата за укинување на визниот режим, СТОП. Среќа, СТОП. Радост, СТОП. Пакувам куфери, СТОП. Идам, СТОП. Трчам, СТОП. Летам, СТОП. О Европа, СТОП. Оу јеа, СТОП. 19 декмври, СТОП. На граница, СТОП. Е з`ш СТОП?

- З`ш ова не е телеграма бре. И з`ш не планирам да пуштам секакви голтари без пари во Европа. Дај џебојте ваму да видам.

- Ама чичко граничар... Ама јас едвај чекав да дојт овој свечен, сончев, волшебен, себеспознавачки, в небовоздигнувачки, круцијалнозначенички деветнајсто-декемвриски ден „Д“... Ама јас уште од летото ги имав спакувано куферите и го чекав денов за да можам да забегам шо подалеку од овде и ни око да не свртам наназад. Ама јас...

- Ама ти немаш е..н денар в џеб за да можам да те пуштам...

- Е да ми извиниш, ама такви денари имаме колку да сакаме кај нас, сите ги онаквивме . Ние државава ја онаквивме, за некој книџиња било проблем...

Пауза. Тишина. Црн екран. Големи црвени букви на него – „Враќање од иднината“. Продорен машки глас – „Наскоро... на граничните премини блиску до вас... Не пропуштајте!!!“.

А така! Се надевам ви се свиѓат трејлеров за новиов македонски филм во европска копродукција. Се викат „Враќање од иднината“ и се работит за истинита прича чие дејствие се случвит на граничен премин и во која граничарот ве враќат од вашата замислувана и посакувана светла иднина за живот далеку од античкиве убајни. Ако не ти се свиѓат трејлеров, тогаш можда ќе ти се свиѓат филмот кој е многу веројатно дека мојт да го видиш и ти. И една инсајдерска информација – имаше и едно алтернативно сценарио за филмов во кое напатеново Македонче го пуштет во Европа и таму сваќат дека се заебало уш појќе ама решивме да ојме со ова сценарио за да му ги скратиме маките уште од почеток.

Ко на Демостенине шо им ги скратија маките уште непочнати. И Вмровцине и Сдсмовцине одма ги изетикетираја убо, ко шо си е редот, з`ш во државава ако немаш етикета ти е ко да не си заведен во Матична книга на родени. Таков е адетот, шо би рекла баба ми, која, со оглед на то шо не е нешо многу многу образована многу убо знајт шо зборвит. А овие од „Демос“ се даааааалеку пообразовани и уш пубо знает.

Прво излегвит Нано Ружин и викат - „Наша единствена цел е да се победи ВМРО-ДПМНЕ. Но, и биполаризмот е лоша опција. Веројатно третата опција пред да се формира треба да помине низ транзиција“. Аха, значи Демостениве планирет да ги победат властодршциве ама истовремено викет и дека само вртењето на ВМРО и СДСМ 20 години во круг е лоша работа. Добро... значит, сакат да кажит – ќе прерасниме во политичка партија и ќе го победиме Вмровциве па ќе плачат заедно со Сдсмовцине. ОК, со среќа дечки, убо шо ви текнало...

Еве и Ѓорѓи Спасов се слагат со него. Викат - „Идејата на „Демос“ е да отвориме простор за критичко мислење, да има услови за дебата помеѓу интелектуалците и политичарите од разни политички партии, која нема да зависи од милоста на Груевски и од волјата на Бранко Црвенковски. „Демос“ нема амбиции да се трансформира во политичка партија и нема никаква врска со најавите за формирање на нова опција наречена Трет пат“.

Чекај, чекај, чекај малце... Ружин викат ќе се трансформирал во партија, Спасов викат не. И ај сеа, на кого да му вервам јас... Ах, еве ми ја Шеќеринска. Таа ќе ми објаснит најубо.

- „Демос“ според сите документи, и според сите информации коишто ги добив, не беше формиран за да владее, туку за да помага на политичката алтернатива во Македонија. И се додека тоа е така, јас ќе бидам член на Советодавниот одбор на „Демос“ – Радмила Шеќеринска – завршен цитат.

Значи, чекај уш еднаш... Ружин викат дека имало шанси „Демос“ да станит политичка партија, Спасов викат – каква партија, шо ви е вас, да не сте будали, и Шеќеринска која е член на Советодавниот одбор се спремат за новинарка. И фалеше уште да кажит „од анонимни извори блиски на Советодавниот одбор на „Демос“ дознаваме дека институтот нема да прерасне во политичка партија“. „Ама какви анонимни извори госпоѓо Шеќеринска, па вие сте дел од Советодавниот одбор, да не се зезате вие со нас случајно?“ „Ееееееј, да бееееее, па јас стварно сум дел од Советодавниот одбор... Па... видете вака... се враќаме по рекламите...“

А во рекламине се е розево. Посебно во оние портокалевине шо одат 24/7 на МТВ. А по рекламите сцена трета. Чичкото премиер со 20.000 контејнери до него. Кој од кој поличен. Генерална проба за прославата на плоштад ко ќе се менит името со 20.000 задоволни Северномакедонци в публика. Ќејфој! И изјава за името пред контејнер, така симболично. За да се знајт кај ќе завршит на крај. Петокраката веќе заврши. Ја видов, умираше зафрлена во еден контејнер на 36 чекори северно од Колета. Последните зборој и беа „ве молам... не убивајте... не убивајте ги... моите жолти дру... другарки.. од знамето на Европска...“. Иту го кажа ова баш филмски, неразбирливо. Дури отпосле разбрав дека стратегијата на властодршциве била ко ќе сме влезеле во ЕУда ги тргниме сите ѕвезди од знамено нивно, да им помогниме, да ги ослободиме од старите бремиња. И така ти викам... почнав да и објаснувам дека мораше да го напрајме то з`ш петокраката ни беше најголемиот проблем и кочница на преродбеничкиот прогрес на државава и дека дури 20 години сме го мислеле новово решение и дека сега грбот ни е каде-каде пубав, а инспирацијата сме ја нашле во јајцето кое пак е извор на животот како што и Македонија е непресушен извор на будали... ама ништо, испушти душа кутра петокрака, остана в контејнер дур Коле пред нејзе објаснуваше дека Бранко и Грчиштана се криви за све.

Ау да, и медиумине се криви. Како не им е срам бре! За Раскољников прво кажвеа дека бил првенец на генерација и учено дете, па после мајка му викаше дека то не било точно. Срамота! Само да се лажело. Еве, и Гоца се слагат со мене. Им го плесна на новинарине во фаца. Им рече дека медиумите кажвеле шпекулации за случајот.

- Пријавата против Карамарков судот ја прифати, а за случајот не е важно каде тој учел и дали бил најдобар ученик во генерацијата бидејќи тоа тој и го кажал на полицијата по апсењето – викат Гоца.

Видиш, паметно зборвит, шо е битно кај учел и дали бил најдобар ил најлош. Шпекулатори едни невоспитани! Само уште да знам од кај ви имат текнато то па да го лажите народов... Упс... тој тоа и го кажал на полицијата по апсењето? А полицијата то им го кажала на медиумите и тие то му го пренесле на народов? Ииииииих безобразниииииии! Иииииих преварантииииииии! Како не ви е срам бре! Како смејте така да пренесвите информации даени од полиција. Шо мислите вие, полицијана МВР да не е, па да мојте да ги сметате за веродостојни информациите даени од таму, а? За друг пат да си знајте, да си прашвите во МВР, тие знает, остајте ги полицајцине, глупи се тие, можат да ве излажат. Прости им Гоцо на колегиве мои, не знает шо прает, и не знает шо зборвет. Цела среќа кај шо си тука да им кажиш.

А јас да ви кажам право, многу и се радвам на оваа Нова Година. Освен промоцијата на филмот од почетокот на текстов уште нешо ни се дешават. Уште едно светло на крајот од тунелот за напатеното Македонче. Уште еден автобус на перонот за неповрат. Муабетот е дека од оваа Нова Година пак ќе имат лотарија во државава. И бинго, и лото, и све по список, и тоа државни. Конечно! Конечно ќе се решат проблемите на третината од населениево шо немат работа. Конечно ќе имат пари за сите. Ова е дефинитивно то шо ни требеше во државава. Супер. Прекрасно. Значит, следната 2010 година нудит три начини на решавање на проблемите. Првиот (технички, според времето ко ќе дојт е трет али...) е да се фрлите од новион мост „Око“ шо ќе никнит на три кома седумнајс чекори од Камени. Вториот е да играте бинго и да ви паднит џек пот. А третиот е да забегате шо подалеку од овде, освен ако не го видите филмот шо ви го раскажав на почеток. А ако успејте да го избегните, дозволете да ви ја пренесам препоракава од Твитер - По повод паѓањето на Шенгенскиот ѕид, се замолува последниот Македонец кој што ќе излезе од државава да не заборави да го изгасне светлото.

(Авторот спремат црвено-жолти куфери... патриотски!)

(Колумната е објавена во неделникот Сега на 19 11 2009 )

(Наредната во печатена форма во Сега во четврток на 26 11 2009 а во електронска на Мојон Блог во вторник на 01 12 2009 )

Nov 20, 2009

0
З`ш да не... колумна 19

Во овонеделното издание на неделникот „Сега“ деветнајстата од серијалот колумни насловени „З`ш да не...“ Денешната со наслов „Враќање од иднината“ од 34 до 36 страница.

Хајлајц момент - „Пауза. Тишина. Црн екран. Големи црвени букви на него – „Враќање од иднината“. Продорен машки глас – „Наскоро... на граничните премини блиску до вас... Не пропуштајте!!!“.

Ова... и многу повеќе од тоаааааааа.... за самоооооооо 50 денари со кои добивате волшебен магазин со доста квалитетно и интересно четиво за моментите кога се дружите со вашата шолја во wc, на пример. :)))

Ако сепак сте скржави и не ви се дава пеевче, денешната колумна на Мојон Блог во вторник фор фри.

Nov 17, 2009

0
Сите ќе умрете!

Да бе стварно, не се заебавам. Еден ден сончев сите ќе умрете. Некој после некој сега... Знам, сега ми кажа директорот...

Ви теквит на сценава од „Викенд на мртовци“? Епа баш така ми изгледат паникава шо се креват поради свинскиов грип, грип од кој шо се умират исто ко шо се умират и од најобичен сезонски грип, ак не се лекуват. Луѓено почнаа со маски да шетет по улици, уш малце и со маски на уста ќе почнат да јадат упрпани дан ги фатит. Како нус појава на паниката поради свинскиот грип и масовното носење маски... немат појќе мување, или лапање, или бацвење, или како и да милувате.... според препораките на СЗО се препорачвит само секс, така не можел да се пренесит грипов.

Секс, нешто шо нашиве политичари редовно го практикуваат кон широките народни маси. Техника шо во литературата ќе ја најте под стручниот термин „е.ење во здрав мозок“. И колку појќе си ја усовршил оваа техника толку подобри резултати ќе имаш во водењето на стадото. И „глумење лудило“, по можност колективно. Техниките редовно се практикувет во трагикомедијата наречена „пратенички прашања“ па токму затоа истата постигнуват невидени успеси, резултати и славја во штабовите на владејачките партии.

Ако поради големите браќа и фармите немате време да погледате Собраниски канал, многу пропуштате. З`ш освен таму и кај видовити Милан, ретко каде на друго место мојте да видите такви пророчки способности. Министрине требит да си земат по едно терминче на Шутел заедно со видовита Цеце или Сабина и да погаѓет судбина до трето колено, а ко ќе им бит Џоле гостин во емисија и до седмо. Не се заебавам, стварно ги биват. Прво се чудев ама сега ич не се чудам, веќе сум цврсто убеден во нивните пророчки способности, слично ко убеденоста за интеграција во евроатланските структури, иту без фрактури.

Шо ми е муабетов? Еми ако сте гледале пратенички прашања веќе знајте за шо ви прам муабет, ак не еве ќе ви објаснам. Сцена прва – пратеник од опозиција прашвит з`ш премиерон не бил в Собрание дента ко се ратификувал договорот за демаркација на границана со Косово, туку си шетал на Саем. Во салана ем премиерон, ем министерон за надворешни, ем цела влада. Премиерон фино лепо му одговарат, одговор шо доколку не би го дал в Собрание туку пред кооперација би звучел нешто како – „ич да не те болит тебе кај сум бил јас“. Пратеникот викат дека не е задоволен од одговорот. Сцена втора – пак имаш пратеник од опозиција, и пак прашвит за истата работа, з`ш од претходниот одговор не само шо не е задоволен претходниот пратеник, туку никој нормален не би бил задоволен. Премиерот го повторвит одговорот со модификација на делот „ич да не те болит“ во „ме заболе ако ве болит“.

Сцена трета – сега имаш пратеник од владејачкото стадо шо прашвит за проектите за изградба на локалните и регионалните патишта што ги поврзвет селата во Македонија. Сега збор земат господинот Морал шо се занимават со транспорт и врски. Море не само шо зеде збор, туку не можеше да го пуштит. За разлика од пред малку премиерот шо зборвеше 30 секунди, овој зборвеше бар 30 минути. И тука идеме до пророчкиот дел. То шо го зборвеше не го кажвеше од памет, туку имаше приготвено поприлично обемен извештај, з`ш знаеше дека ќе го прашет за то. Исто ко децана на школо ко ќе знает дека професорката ќе ги прашат за баш таа лекција и ја учат само нејзе и после ја кажвет ко стихотворба, на памет. Све е то до пророчките способности, немат врска шо татко им вчера бил кај професорката со канта сирење. Ете така. Цела среќа шо министриве ни се пророци во слободно време а шо народов пак пиет нафта на пауза за ручек.

А пошо обично осомничените за сериски убиства сакет да пијат вода од кофи стаени во вециња по притвори и затвори, и пошо обично се толку жедни шо заборавет да ја извает глата од кофа, шо пак после предизвиквит смрт, јас најтопло би им препорачал на затворските власти во затворот „Идризово“ да ги тргнат сите кофи, чаши, филџани, шолји, пајнци, лајци, бардиња и останат прибор кој би можел да придонесит кон простување со единствениот осомничен – Раскољников од Ѓорче.

Ви теквит пред две недели ко ви кажвев дека бесплатните учебници шо каснат се уствари за добро на децава, а вие ко не ми вервевте и ко ме праевте будала? И кој е сеа будала? А? Видовте Виктор? Видовте до кај се стигвит со многу учење? Видовте шо се дешават ако многу љубиш да читаш книги? Виктор си се дружел со Раскољников на Достоевски и после почнал да убиват ко него. Зато нашиот ни мил министер за образование уште не праќат учебници кај седмооделенцине. Да не случајно некој се занесит многу во физиката и хемијата па да напрајт нуклеарка и да не решит сите во два потези. Такви ти се нашиве министри. Не само шо се грижат за државава наша античка туку и за целава ни планета се секирет.

И не само шо се секирет, туку и измислувет нови работи, онака, за општо добро, после сите да может аирот да им го видат, шо би рекле старине. Не ми вервите? Епа така и викет – не вервејте им на зборојте туку на делата. А Гоца од МВР имат многу напраено на тој план, и уште прајт. Најмногу на полето на поставување нови стандарди и ново значење на терминот „пресумпција на невиност“. Сеа чекаме, кај и да е, да организирет некоја светска конференција кај шо Гоца ќе застанит и ќе ги презентират нејзините нови идеи за иднината на кривичните постапки и судството воопшто. И после не само шо ќе стојт таму дека Гоца ги поставила темелите, туку и дека се работит за горда античка Македонка од античково парче земја. И после стотина години децана во седмо за Гоца и за Македонија ќе учат ко ќе им кажвет кој ги поставил темелите на правото. Нормално, ако имет учебници во седмо. Ако не напрает и некоја конференција кај шо ќе излезит Тодоров и да поставит нови стандарди за учење во седмо... бесплатно, нормално.

Ама чекај сеа, прво за Гоца да ви докажам. Од ко дојде таа на чело на МВР стварно не е исто ко порано. Кога и да ја прашат некој то го викат. И на пратеничките прашања се пофали дека од ко дошла таа за сите исто било. Како ами. Темели на наука се поставувет или шо? Нормално дека ќе е исто. И пошо е исто, сите шо се приведувет, се приведувет најспектакуларно шо мојт, со двесте специјалци покриени со чорапи на гла и со црвен тепих, дур светкет блицој, за ко ѕвезди да се осеќет осомничениве. После ако случајно се покажит дека не се виновни, бар ќе останат славни. Паметно, морам да признаам, доста паметно. Така е и со убијциве, посебно со серискиве убијци. Посебно ако признает в полиција. Готово! Ич немат потреба в суд да се носат. Директно в затвор, таму кофата и оп – по сите светски медиуми не имат. А имало случаи кај шо приведените после на суд тврдат дека полицијата ги малтретирала и морале да признает. Ма немат врска, битно признале, мојме да ги бесиме сместачки, да не трошиме пари по судој.

Е, то ви викам. Алал да и е на Гоца, шо успеват да поставит нови темели на функционирањето на правото. Имаш изјава в полиција, имаш доставување фотка или видео комплет со име и презиме до медиуми, и готово – осуден е чоекот. Немат судија, немат докази, немат ништо. Правна држава, то ми беше муабетов...

И уш еден муабет вака ко за крај. Сигурно и вие ги обожавате најпрекраснине прес конференции на уште понајпрекрасните властодршци. Јас најмногу ги сакам ко ќе ги кажвит Бичиклиски, пошо знајт да ми го мејкнит денот, и баш ми е жал шо за оваа не беше таму али немат врска. Пак ги обожавам. Викендот ги викнаа медиумиве да им кажат кој биле платениците на Бранета. Ги набројаа Љубомир Фрчковски, Стево Пендаровски, Радмила Шеќеринска, Владимир Милчин, Жарко Трајановски, Сашо Ордановски, Ѓунер Исмаил, Катерина Блажевска, Ивица Антески и Никола Гелевски. На пресот некако чудно забораја да кажат поради шо им биле префрлени пари на горенаведениве а после дознавме дека се работит за учесниците во „Дијалозите за Македонија“ организирани од Бране дур беше претседател, нешто шо беше јавно и достапно и за медиумите, и за јавноста па и за ВМРО. Поточно хонорари за објавени текстој во публикацијата „Дијалози за Македонија“. Нешо слично ко колумнисти шо земет хонорари за објавени колумни по весници. Како шо објаснувет дел од „платениците“ хонорарчињата биле по печес иљади денари.

Али то и не е толку битно. То шо е битно е етикетирањето и линчувањето кое на големо се промовират ко нешо најнормално. Немат дијалог, немат размена на мислења, имат само етикетирање, дискредитирање и ако јавноста загризит, шо не е воопшто тешко, испраќање на етикетираните личности на општествените вечни ловишта. Епа ако играме така ок, имам и јас со нешо да ви се пофалам. Да бев личен ко Бичиклиски ќе излезев на прес конференција, ама пошо не сум ќе го напишам овде.

Почитувани,

Иако ВМРО-ДПМНЕ направи прес конференција на која објасни дека е погубно за демократијата јавни личности да учествуваат на трибини и да земаат пари од Кабинетот на Претседателот на Република Македонија, заборави да го потсети актуелниот претседател од своите редови, Ѓорге Иванов, да не го прави истото.

Ова е скандал!

Ова е поткопување на демократијата!

ВМРО-ДПМНЕ треба да даде одговор дали не го смета за поткупување и организирањето трибина по повод 20 годишнината од падот на Берлинскиот ѕид во претседателската вила на Водно во понеделникот на 9 ноември со неколку професори? Дотолку повеќе што доаѓа на само еден ден по вашата прес конференција.

Еве ги платениците на претседателот Иванов, дами и господа:

- проф. д-р Бранислав Саркањац,
- проф. д-р Јован Донев,
- проф. д-р Јасна Котеска
- и проф. д-р Џеладин Мурати

Кој ќе ја сноси политичката одговорност, ако сето ова е вистина?

Дали ВМРО-ДПМНЕ вака ја замислува демократијата и европските стандарди?

Дали ВМРО-ДПМНЕ и Ѓорге Иванов вака го градат односот со одредени поединци од јавниот живот во Македонија?

Почитувани, ова не смее да остане премолчено.

Очигледно ВМРО-ДПМНЕ не се менува. ВМРО-ДПМНЕ е истата онаа транзициска партија.

Ви благодарам на вниманието.

Смешно? Епа, драги мои вмровци, така изгледет вашите прес конференции. Не дека другиве се поарни ама вие пошо сте на власт ептен некако се имате опуштено во тој поглед. Нека ми извинат професорите Саркањац, Донев, Котеска и Мурати. Ставени се во колумнава во тој контекст за докажување поента. А властодршците нека размислет уш еднаш дали е паметно ваквото валкано играње. И рековте едвај не чекале во ЕУ, а?

(Авторот е в кофа, пробвит да се удајт)

(Колумната е објавена во неделникот Сега на 12 11 2009 )

(Наредната во печатена форма во Сега во четврток на 19 11 2009 а во електронска на Мојон Блог во вторник на 24 11 2009 )

Nov 12, 2009

0
З`ш да не... колумна 18

Во денешното издание на неделникот „Сега“ осумнаестата од серијалот колумни насловени „З`ш да не...“ Денешната со наслов „Сите ќе умрете!“ на 32 и 33 страница.

Хајлајц момент - „Според препораките на СЗО се препорачвит само секс, така не можел да се пренесит грипов. Секс, нешто шо нашиве политичари редовно го практикуваат кон широките народни маси. Техника шо во литературата ќе ја најте под стручниот термин „е.ење во здрав мозок.“

Плууууууус... прес конференција на која откривам кои се платениците на претседателот Ѓорге Иванов... и многу повеќе од тоаааааааа.... за самоооооооо 50 денари со кои добивате волшебен магазин со доста квалитетно и интересно четиво за моментите кога се дружите со вашата шолја во wc, на пример. :)))

Ако сепак сте скржави и не ви се дава пеевче, денешната колумна на Мојон Блог во вторник фор фри.

Nov 10, 2009

0
Си беше еднаш на Дивиот запад...

Еве и јас малце. На одмор во Хаваи сум. Не бе, не сум видел ни море ни океан ни нишо. Е како з`ш? Па немам време, од ко дојдов овде само читам. Како шо... книги си читкам бе. Во хотелов кај шо седам имат една витрина со книги и морам да ги исчитам сите пошо вчера му се јавив на еден другар да му честитам за колоквиумот шо го положи пред еден месец. Утре требит да дојт тој ваму. И ко ќе дојт ќе ме прашат дали сум ги видел книгиве шо стојат во витринава. Како да му речам дек нит сум ги видел, нит прочитал. Срамота е то.

А во паузиве од читање се мислам за средбата шо беше меѓу Коле и Јорго минатиот четврток. Стварно никако не можам да се изначудам како можеше Јорго ко појде кај Колета Брисел, прв муабет да му е тој за книгите. И то баш за таа витрина во таа икс собата кај шо се сретнаа. И како можеше да се погодит Коле да ги имат прочитано баш тие книги, баш од таа витрина. Еве, јас знам дека имаме начитан и паметен итн. премиер ама ова ептен ме зачуди. И така ти викам, се чудам по цели деној и се трудам да најдам одговор. И немат друго. Морат да е то. Се плашам да го кажам, да не ме сфатит некој погрешно и дан ме отерат на Крф. Или во крв. Ама сепак ќе го кажам. Ко можел Аце да го освојт пола свет, шо останвит за мене. Слушај ваму шо е финтата. Финтата е во то шо Коле и Јорго се телепатски поврзани. Да бе, ко телиња. Муабетот од пред две недели шо ви го праев. То шо грчиштава го барет Ацета и викет дека е нивен, не е случајно. Според моиве анализи и заклучоци, грчиштава имет врска со Ацета и зато мојт да се десит вакво телепатско поврзување на двајцава премиери. Не само шо имет врска, туку грчиштава се уствари Македонци шо живеат во заблуда. Знам дека си викате шо зборвит овај, да не не е нормален случајно, ама ќе видите еден ден.

Ќе видите ко ќе се сретнат претседателиве, нашиов и нивнион. Само шо не вервам дека средбата ќе бит негде онаму по џенемине. Не бе. Овде ќе си се сретнат, на античково парче земја. Еве, погаѓам од три пати, но два пати во себе. Погаѓам, погаѓам и мојот конечен одговор е – Паљурци. Замисли го Џоле, си седит на сред нива и одеднаш се појавуват Карло, се поздравувет, се гушкет и Карло му викат на Џолета – „Абе брат, го виде бунаров?“ „оооооооо, да, да, дури и вода со Павлета имаме пиено на времето“. И после то уш некој ак речит дек не сме поврзани...

Ко Скопје и Кичево со воз шо се поврзани. Или не? Упс, чичковцине шо ги возат возојне се бунат, нон стоп со камења ги гаѓале, ставале карпи на сред пруга и слични будалаштини, па немало појќе да возет на таа линија. Си беше еднаш на Дивиот запад... во западна Македонија... Абе шо знает деца шо се карпи, кревет, ставет на пруга, бегет. Абе шо знает деца шо е пруга, ја кревет, ја ставет на рамо и ја носат в отпад. Ама не, стварно не знам по кој к.р основ на некого би му сметал воз шо си носит патници. Иииии, брееееј будала работааааа... Иначе... да, и нив требит да ги зејме со нас ко ќе ојме накај Европскана Унија. Знам, едвај не чекет да им појме. Со раширени раце и нозе. За да ни дает. Членство.

Само дедо Блаже не ја дават енциклопедијана негова. Викат, прајте си нова енциклопедија со нова редакција, јас од мојава ни запирка не давам. Абе амаааааан замаааааан дај им нешо. Ај молимте биди добар и дај бар печес страници. Дај бар та страницата кај шо пишиш за Албанците, пардон, Шиптарите во Македонија. Не? Дај ако не бар тој делот за Тоше. А да... заборајв, воопшто немаше дел за него. Ако не дај делот кај шо пишиш за ликот и делото на Блаже Ристовски. Шо? Појќе од пет страници се? Ааааааа, епа ништо ко така... ај ќе им дајме на овие другиве да ја прает. А чекај, а со парите шо ги зеде од државава, да не речам од нас, шо прајме? А? Или то не се важит? А сите срања шо се издешаваа поради таа енциклопедија? Или и то не се важит? Многу принципиелен чоек, морам да признаам. То шо е негово – негово е. Нашето... епа и то е негово.

Принципиелен... исто ко Бичиклиски. Стефче од Карпош ја барат зградана кај шо беше Америчкана амбасада за градинка, ама ВМРО не му ја дават, на Институтон за културно и духовно наследство на Албанците му ја даде. И Бичиклиски викат Стефче бил шовинист. Е з`ш? З`ш барал градинка за дечиња. И антиалбанец бил. Е з`ш? З`ш барал објектот шо порано бил градинка пак да бит градинка, наместо Институт. И пази молимте. Во една прес конференција Бичиклиски самиот поставуват обвинување и самиот си го побиват. Прво викат дека Стефче бил против Албанциве з`ш не им го давал објектот, а после викат дека на времето ко бил министер бил за Албанциве и им помогнал да ги освојат Струга и Кичево. Стварно е заебана работа да си портпарол на партија. Требит пред јавноста да ги кажиш сите глупости шо ги мислит лидерот и тие околу него, а кои не се осмелуваат да го напрает то з`ш знает дека ќе им се смејт народов. Ама Бичиклиски навикнат е на то. Замисли да го вработат за портпарол на Управа за хидрометеролошки работи и да известуват за то какво ќе бидит времето утре и задутре. Попрво ќе напрам мегалитска опсерваторија на тераса и така ќе добивам информации за активностите на сонцето и останатите небесни функционери отколку да чекам од него. Жими инвестицииве странски.

Пошо напорната работа на досегашните 23 економски промотори донесе ептеееееееееееен мноооооогу инвестицииииииииии, нашата ни мила ем незапирлива Влада ќе остварит уште 9 промотори кои ќе остваруваат во Полска, Белгија, Јужна Кореја, Австралија, САД, Јапонија, Шпанија и Турција. Владата за пубо да может да остварувет во земјиве кај шо ги праќат им дават и дипломатски статус, купчиња со пари и други бенефиции, како и ганц нови Голф шески. Ако се остваруват, нека се остваруват на големо! Остајте ги оние будалине шо зборват дека сме биле на последно место по странски директни инвестиции од сиве земји околу нас. Така зборват з`ш љубоморат. И не вервете им ни ко ќе ви кажват дека во споредба со лани инвестициите биле намалени за три и пол пати. Прашајте го Бичиклиски, тој ќе ви потврдит дека лажат... срам ги било! А вистината е една и единствена - Македонија е инвестициски рај 24/7!

Ко шо имат пред владана штрајкувачи 24/7. Од толку шо им е убо на граѓаниве и од толку шо си ги сакет пастирите се доближувет колку шо е можно поблиску до нив. Ене професионалнине војници дури и неколку дена седат таму. Море дури и спијат таму. Све, само да се поблиску до Пастирот и преродбениците негови. Само новинарине ги лажат, демек имале некакви си барања. Изговор бе, изговор им е то, само за да можат да се сретнат со главниот преродбеник и да му кажат лично колку се задоволни од преродбава и така уште попреродени да се вратат на спиење на Илинденска 24/7.

Или ако сакет да се фраерчиња можат да му се придружат на Ивица, градоначалникон од Ајродром на Даме Груев во кафичон Плеј на по едно кафенце. Колата ќе си ја паркирет на пешачки, одма до негована, службенана. Ииииих, според најновите истражувања е докажано дека на еден пешачки премин можат да се паркираат и до 5 автомобили. Шо ќе ти е зонско паркирање ко си имаш пешачки бе брат. Видиш како е паметен Ивица. И никој нишо не му мојт. Добро, за да не испаднит дека стварно никој не му мојт, Гоца му бапна казна од ко напиша „Вест“ и „А1“ од ко напрај прилог па од ко си призна Ивче. Ама другиов дел е уш појак. Пошо граѓанине од Ајродром шо живеат кај трговскион Бисер се бунеа за воведувањето на зонското паркирање таму, сега Ивица викат – „ако револтот е голем, проектот ќе се повлече“. Пошо ги знајме граѓаниве дека не се бунат за ништо, ќе им бапниме зонско паркирање во секој двор. Ако случајно им текнит да се побунат, мојме и да го тргниме. Парите шо се дале за да се ставит... шо ти е гајле, шо ќе им се секираш... ко твој да се...

Апсолутно. Така се играт кај нас. Ако проџе, проџе, ако не здравје...

(Авторот е предавник. Има предадено штафета во средно)

(Колумната е објавена во неделникот Сега на 05 11 2009 )

(Наредната во печатена форма во Сега во четврток на 12 11 2009 а во електронска на Мојон Блог во вторник на 17 11 2009 )

Nov 5, 2009

0
З`ш да не... колумна 17

Во денешното издание на неделникот „Сега“ седумнаестата од серијалот колумни насловени „З`ш да не...“ Денешната со наслов „Си беше еднаш на дивиот запад“ на 34 и 35 страница.

Хајлајц момент - „Пред владана штрајкувачи 24/7. Многу си ги сакет пастирите, па да бидат поблиску до нив.“

Цената на неделникот е 50 денари со кои добивате доста квалитетно и интересно четиво за моментите кога се дружите со вашата шолја во wc, на пример. :)))

Ако сепак сте скржави и не ви се дава пеевче, денешната колумна на Мојон Блог во вторник фор фри.

Nov 3, 2009

0
Фајар ин да хооооол...

Да ви кажам право, многу љубам редовни читатели. Е, кога имаш такви не ти е проблем колумната да ја почниш онаму кај шо си завршил пред едно месец дена. А завршив со клетвата на неделата – да дајт Господ, Љубе Бошковски на свадба да ти пукат! Епа имам една добра вест – беше кум и конечно пукаше! И една уште посреќна – немат повредени! И една најсреќна – свадбата беше помеѓу Грк и Македонка. Добро, не е то најсреќниот момент. Моментот е то шо од извори блиски на сваќата дознаваме дека кумот Љ.Б. во еден момент на општа веселба испукал неколку рафали по што ги исплашил гостите кои биле на јужната страна па го тргнал зетот Н.Н. (инаку член на владејачката партија ПАСОК) настрана и му објаснал некои работи и сега зетот преплашен сеуште не ја ни допрел својата нова сопруга а камоли да почнит да ги извршуват брачните обврски. Пред то решил да лобират кај чичко Јорго за да не пуштит да си се викаме како шо си сакаме. Ако ви теквит Ќиро на времето викаше дека сите работи се решавале со дијалог. Еми пробвеа со дијалог и Коле и Тони и сите по ред ама не знает како. Зато Братот знајт. И одсеа не го викам Брат. Одсеа Кум ќе го викам. З`ш е ко Марлон Брандо. И з`ш со Кумот немат лабаво! А ко шо ми пренесе сваќата ни мијалник, ни машина за перење немало. Грчиштана освен тостери, пајнци, лајци и микробранови ништо друго не однесле на свадбата. Море ќе видат тие убо... само ако им го пуштам Кумон...

Или неколку инспектори од МВР од Штип. Ко шо разбрав, Гордана нив најмногу ги сакала. А и најпаметни во цело одделение и биле. И знаеле како со криминалци. Ко шо разбравме од медиумиве, пошо Гоца по малце криет, инспекториве пресретнале дилер на дрога, го претепале и му ги зеле парите. Како ами... маме негово, само тој ќе земат пари... Е ова ти е пример за орган кој се грижит за редот и мирот и спроведувањето на законите. А овие смислувале затвори, ресоцијализација, едукација... Глупости бре, глупости! Е вака се прајт од ова држава, држава. И утре ако мавниш некого со колана низ град и напрајш сообраќајка не чекај да дојт полиција и записник да прајт. Не бре, старомодно е то. Чекај од негде да те замават залетан Крајлслер и да ти вратит, око за око, шофершајбна за браник.

Или заб за заб, пензија и плата заедно. Имено, лејдис енд џентлмен, поради неверојатно волшебните резултати постигнати на полето на неправдата во нашата мила ем преродена Поранешно Југословенско Социјалистичка Северна ем Јави се Јужна Македонија, министерот за неправда Мики ојде во Хрватска да ги учит колегите таму како се работит. Уствари официјалната верзија е дека бил на посета за разменување искуства ама то е само поради коректност во меѓусебните, да не речам билатерални односи. Инаку, се знајт з`ш го викнал колегата му хрватски министер. За да го научит како се прајт будала цела држава и на крај дури и од ко ќе те откријат, пак фраер да испадниш.

Ама ми се чинит најголем фраер е премиерон. Само шетат по светов и сите го сакет. Виде Австралија како го пречекаа? А? Дури и војски и топој собраа за добредојде. Дури ни во Македонија така не се почвит кампања за предвремени избори. Не бе, не викам дека во Австралија ќе праеле предвремени избори. Не е Коле Мики па да ги учит на финти Австраљанцине. Си ојде да си ја продолжит кампањата за неговите предвремени избори. Од ко се изгушка со нашинцине во Канада им појде и на нашине античко австралиски Македонци. И на нив им вети дека ќе можеле и во Македонија да си земвет австралиски пензии. Уствари за оваа финта не сум баш најсигурен, можда имат некаква врска со Мики, али не ми беше то муабетот. Муабетот ми беше дека покрај то, и нашинциве во Оустрејлија ќе можеле да гласет на предвремените. Како за кого? Па за Колета, за кого мојт. Бранко и партијана негова едвај собирет пари за екскурзија низ Македонија за предвремени кампањи, не пак за да одет по Америкине и Австралиине да бркет гласачи. А Коле со државни пари си шеткат и си прајт кампања. Си мојт бе, си мојт...

И јас ко мал сакав да си шеткам. То шо немав баш пари за шеткање беше друга работа, ама се сеќавам дека бар за екскурзии моине ми наоѓаа пари. Така во седмо на пример за прв пат имав можност да видам доста градој и градчиња низ државава на т.н. екскурзија низ Македонија. И стварно јако си поминавме таму. И јас по то ќе го памтам седмо одделение. По таа екскурзија ќе го памтат и многу мои соученици. Ама идет други времиња бре. Нашава преродбеничка влада не сакат, или пубо кажано – не смејт да си дозволит, сегашниве седмооделенци да се со исти впечатоци со оние од пред 6-7 години. Зато секојдневно им приредуват нови изненадувања. Еве сегашниве седмооделенци на пример, покрај екскурзијата ќе может да се сеќавет дека биле дел од проектот „Бесплатен учебник за секое дете“ и дека пола година биле без учебници. Ама пошо, ко шо викет, „на аризан коњ, заби не му се броет“, и децана не морат да броет, ни заби, ни страници од учебници. Шо ќе им се учебници ко имет компјутери за секое дете и модерна технологија. Шо ќе ти е да учиш од учебник ко мојш да го снимаш наставникот на предавање и после на компјутерот да го гледаш и да си учиш. Модерна влада си имаме бе. И модерен министер за образование. Само пошо знает дека имат злобни луѓе во опозиција и по медиумиве печатат и учебници, да не речат овие злобнициве дека немало учебници иако биле бесплатни и за секое дете. Викат министеров, при крај било печатењето на учебниците за седмо. А тендерот за средните стручни школи бил при крај. Ма немат потреба бе. Шо ќе прајте трошкој жити големиот одмор. Шо ќе фрлате пари ко уш малце ќе завршит учебнава година па шо ќе им се учебници на децана. Мислам... учебници... глупости живи...

Да не се знаело шо се работит и шо се приоритети... Јебига... не можат сите да бидат ко Коце и да знает. Еве тој знајт кај требит да вложвит. Во национално првенство за Кантер Страјк на пример. Само глумит пред микрофонине и камерине дека не знаел шо било то Кантер али бил среќен шо се одржвело во неговиот град. Коце, тие муабети на друг да му ги прајш. Ам ај бе, не сме деца па да не сфаќаме шо ти е планот... Еве јас одма му ја сфатив стратегијата на Коцета. Организират турнир во Кантер за да мојт да научит нешто и да регрутират тим за помош во незгодни ситуации, ко ќе станат граѓаниве да се побунат за нешто. Ко тогаш ко се бунеја шо ги сечел дрвата на Илинденска. Ај сега нека излезат да се побунат да ги видам. Одма Коце ќе им пуштит две три Кантер Страјк - спешл форсис единици и ќе ги постројт во две редици.

Или некој ако застанит пред сатон да се бунит и да молит да не го рестартирет. Одма ќе се појавит од негде Коце и ќе се развикат „Фајар ин да хооооол...“ и одма ќе се разбегет сите. Многу добар градоначалник имет избрано скопјанишчава, морам да им признаам. Со стратегија за развој на градов. И сиве проекти му вриштат. Овој најновиов посебно. Слушам, ќе праел Коце плажа на Вардар. Да се разубаел Вардар, да имало содржини, да имало раздвиженост... Абе оди бегај таму. Мислиш некој будала е и не знајт шо ти е планов. Да ни го уништиш бизнисот нас во Охрид, а? Епа извини ама немат да ти успејт. Не Кантер, не шо сакаш бе... нишо не те спасвит, ние бродој потонвиме, за една плажа на Вардар било проблем...

Единствено спас мојш да бараш кај новион студентски лидер – Иван еј кеј еј Медо. Тој единствено мојт да напрајт нешо по претходни консултации со министерон за образование. Или не? Чекај малце, на линија е Самоил, тој знаел шо требело да се прајт. Ко шо разбрав Медо и Самоил имале црвени телефони и така се договарале за важните прашања и одлуки. Пред некој ден на пример, од ко се слушнале на червениот, одлучиле Медо да не ојт во емисијана „Ние“ на Сител. Мангуп бе. Имат да се знајт кој е главен. Така си мислет новинарине, может да поканвет гости и од ко ќе добијат потврден одговор да очеквет дека ќе дојт Медо на емисија. Што ти е тебе бе, вие мислите Медо аматер е. Не бе брат, Самоил го имат убо истренирано. Водителон дури и му се јави ама пак Медо ги заеба сите. Викат – не прам муабет со младината на СДСМ. „Ама не сме младина, ние сме независни студенти обединети во Слободен Индекс...“ Ама не ме интересират бе, ај чао... Нормално дека ќе им спуштит. Имат да се знајт кој е главен! Ак не им покажиш заби на почеток после ќе мислат дека может да си игрет со тебе. Браво бе Медо. Знаев дека конечно ќе се појавит студент шо ќе напрајт нешто за студентине наместо само за својата понатамошна партиска кариера. Конечно најдовме таков чоек. Алал да му е! И алал да ви е – студенти од државниот ни факултет! Да беше Тито жив одма ќе заклучеше дека народ со ваква младина ич не требит да се секират за својата иднина. Шо имат да се секираш за нешто што го немаш...

(Авторот е сончев со умерена облачност)

(Колумната е објавена во неделникот Сега на 29 10 2009 )

(Наредната во печатена форма во Сега во четврток на 05 11 2009 а во електронска на Мојон Блог во вторник на 10 11 2009 )